Lo bilanç lingüistic de Calandreta

22 septembre 2010

Lo bilanç lingüistic de Calandreta

Dempuèi un briù voliaí entamenar una refleccion critica sus Calandreta, que ne soi membre, vertat un membre ordinari (paire d’ex-calandron), sens cap de responsabilitat dins l’associacion locala (Limòtges), ni mai al nivel federal o confederal. La lectura de dos articles pareguts en francés dins un libre collectiu recent (Politique linguistique et enseignement des « Langues de Frances », jos la direccion de Patric Sauzet e Francés Pic, L’Harmattan, 2009) me’n balha l’ocasion, o puslèu me’n mòstra tota l’urgéncia. O fau en occitan per defugir las polemicas esterilas e perque tanben los problemas que vòli tractar concernisson en primièr l’ensenhament e l’image de la lenga nòstra. Un autre còp, dubrirai la discussion en francés.

Abans de començar pr’aquò, vòli dire que, per ièu, l’aventura associativa, pedagogica, culturala de las escòlas Calandreta, dempuèi 1974 (ara ne sèm a 52 escòlas, 2 collègis, 182 regentas e regents, mai de 2700 escolans[1]), amb totas la difficultats encontradas e, tant de còps despassadas, es quicòm que fòrça l’admiracion, e soi fièr de’n far part.

Aquestes dos articles son escrichs l’un per Enric Boyer, sociòlingüista de Monpelhièr que dempuèi longtemps trabalha sus la situacion de l’occitan[2], e l’autre per Domergue Sumien sociòlingüista el tanben, provençau, qu’es estat formator en lenga occitana a Aprene e dins lo Centre de Formacion Professionala Occitana (centres de formacion de Calandreta pels mestres) entre 1998 e 2006. L’estudi de Boyer s’apieja sus una enquesta al prèp de 14 ex-calandrons de la calandreta de Besièrs ; es a dire un « campion » que pòt pas èsser considerat come representatiu (e Boyer zo ditz) mas que convergís amb un trabalh precedent de Chantal Dompmartin-Normand (se trapa un article d’ela en linha : « Collégiens issus de Calandreta : quelle représentation de l’occitan ? »), el tanben fondat sus un nombre puslèu estrèch de personas (parents e ex-calandrons). La refleccion de Sumien es traita mai que mai de son experiéncia personala a Calandreta, mas ten compte tanben de las enquestas de Boyer e de Dompmartin.

La primièra causa de dire, e mai aquò faga mal, es qu'e los ex-calandrons, non totis mas una granda part, parlan pas mai la lenga, e podon quitament pas respondre a las questions pausadas en occitan, o alara a pro pena. L’occitan es quasiment disparegut de lor vida e de lor boca, si que non de lor cap, es a dire que la majora part an pas mai de ligam amb de monde que parlan la lenga : s’es pas jamai parlada a l’ostal e, en defòra, an pas mantengut de relacion en lenga amb los companhs e son pas dintrats dins lo monde occitanista (çò ditz Boyer : « L’escolarizacion en Calandreta es lènh de desbocar sus un engajament occitanista, coma n’i a que zo podián pantaissar o coma d’autres zo podián crentar »). Per exemple, talhats que son del mitan dels ensenhaires e dels militants, la magèr part d’entre elis imaginan quitament pas que se pòt trapar un mestièr amb l’occitan[3].

Aquí pr’aquò cal joslinhar un paradòxa : totis se sovenon amb una granda emocion, e mai un briu de nostalgia, de lor escòla e dison pas que de causas positivas sul biais d’i ensenhar (insistisson sus l’autonomia, etc.) e d’i viure, subretot en compareson amb l’ensenhament public ; an pas cap de conflicte amb l’institucion Calandreta, al contrari, ne dison son que de ben e an quasiment pas que de bons remembres. Pr’aquò an generalament daissat tombar la pratica de la lenga, quora an quitada l’escòla. Vist que l’objectiu primièr de calandreta « es de tansmetre la lenga occitana en assegurar l’escolarizacion dels mainatges en occitan tre l’escòla mairala » (Carta de Calandreta, puslèu malaisida de trapar sus la tèla… en occitan !), me sembla que i a bravament de rasons de se far de lagui. Perque se podèm pas negar, qu’amb lo metod immersiu, la transmission se fa – a Calandreta, almens en classa, la lenga se parla, sens cap de dobte – aquela transmission e solament provisòria, quasiment limitada al temps de l’escolarizacion.

Segon Boyer, es pas la pedagogia Calandreta en matièra lingüistica qu’es en causa, mas la situacion de la lenga, que pels enfants de Calandreta, a qualques excepcions prèp, es solament la lenga de l’escòla, qu’es responsabla de çò que cal plan apelar l’escac de la vocacion primièra de l’escòla immersiva occitana. Reviri pr’aquò sa conclusion : « una escolarizacion, e mai volontarista, intelligenta, eficaça en lenga dominada (minoritaria-minorada), limitada a la mairala e al primari, pòt pas compensar l’absencia de transmission naturala (intrafamiliala) d’aquela lenga, en defòra de tota normalizacion de sos fonccionaments sociolingüistics (que ne’n fa une lenga de plen exercici societal). L’escolarizacion sens normalizacion institucionala (officiala) minimala es una mena de còp d’espasa dins l’aiga : en rendent l’obstacle de l’abséncia de visibilitat (e donca d’utilitat) sociala manifesta, joslinha immancablament la situacion de substitucion avançada (deguda a l’evolucion del conflicte diglossic) ont se troba l’occitan ». Es una analisa que me sembla plan malaisida de contradire, disèm dins sa globalitat e son abstraccion, mas cal veire pr’aquò, dins aquela situacion d’extrèma minoracion e marginalisacion, çò que se pòt far, dins la talvera, una talvera que vén de mai en mai estrecha. Per aquò, cal veire mai precisament çò que, segon los dos autors (e mai segon lo pauc de lum que pòt portar mon experiéncia personala), va pas e çò que se podriá adobar dins l’ensenhament de Calandreta.

Aquò es subretot la tòca de Sumien. Mas ja, Boyer s’arresta sus una dimension fòrça presenta dins lo discors dels ex-calandrons que, zo me cal dire, me faguèt saltar al plafon, tant es per ièu susprendenta e en contradiccion amb çò que dison los regents que coneissi, tant a Mureth coma a Limòtges. Reprodusisson, en efièch, la falsa distincion entre la lenga occitana e lo patès que fan sovent lo monde que, justament, an pas estudiat l’occitan… Vaquí qualques estrachs de responsas, cada còp d’un interlocutor different, que daissi en francés, per mai de fedeltat a l’oralitat dels documents :

– « pour moi le patois c’est euh / c’est ce que parlent justement les anciens dans les vilages sans l’avoir vraiment jamais ni écrit ni euh / correctement prononcé ni ni vraiment euh / sans avoir reçu d’enseignement euh académique de la langue c’est euh c’est oui voilà / c’est plus des expressions euh / enfin c’est jamais très construit comme propos d’ailleurs généralement c’est plus euh / on sent souvent quand on les écoute que ça part dans tous sens […] ».

– « … les petits vieux dans les villages, ils parlent plus patois qu’occitan ».

– « … moi à chaque fois qu’on me disait « tu parles patois » / « non je parle occitan » // on m’a toujours dit que c’était l’occitan et puis / puis voilà moi j’aime pas trop ce qui es /// pour moi c’est plutôt les grands parents qui parlent patois don euh // sinon ils ne parlent pas vraiment un occitan // très riche quoi / bon c’est plutôt / c’est [rire] ça reste assez restreint quoi ».

Al contrari, per elis, l’occitan es, çò dison, çò qu’an apres a Calandreta, una lenga vertadièra, « academica », mas sens brica de referéncias istòricas, ni mai literarias. Mas, çò que susprén es que semblan quitament aver doblidats los elements mai partajats de la mitologia occitanista (los trobadors, los catars, etc.). L’occitan, per elis, es subretot una lenga d’escòla, la lenga de lor escòla, pas la lenga de lor enfància, quitament pas vertadièrament la lenga d’un grop d’amics (que totis confesson aver parlat subretot en francés dins la cort), mas mai que mai la lenga de la relacion al regent ; relacion generalament fòrça bona, mas relacion evidentament d’escolan a regent, e malurosament es solament dins aquela relacion que la lenga, per elis, de fach, a aguda una vertadièra fonccion.

Existís, plan segur, un ligam entre l’estrecha limitacion de l’empleg de l’occitan a la relacion pedagogica e la percepcion de la lenga encara parlada defòra, que ne son demorats talhats.

Çò que, de tot biais, es evident es que, almens per los que son estats interrogats, Calandreta a pas capitat (es pas un repròche, mas una constatacion) 1- de far lo ligam amb las gents del parlar « natural » dins lo parçan (vistas coma de monde que parlan patès et pas vertadièrament occitan), 2- de praticar una integracion dels enfants dins los malhums occitanistas, 3- e evidentament de far comprene als parents que l’escòla pòt pas remplaçar la transmission familiala.

Sus aquels tres punts me permetti de balhar mon experiéncia e evidentament mon vejaire, que val çò que val. 1- quand èri parent a la calandreta de Mureth, sabiaí quitament pas qu’erèm dins un airal gascon, vist que s’ensenhava a l’escòla pas que lo lenguadocian (vertat que Mureth, a l’abroa de Garona, es sus una limita, mas aquò foguèt pas jamai una question, almens pendent los tres ans ont i ai portat mon dròlle). Ni mai ai pas jamais aguda l’ocasion de veire dins aquelas escòlas, aisidament dubertas pr’aquò a d’intervenents de'n defòra, dels locutors del rodol convidats per balhar lor lenga. Me soi totjorn demandat perque aquela reticéncia, si que non per la crenta (mas aquò l’ai pas jamai ausit verbalizar) que la diferéncia de lenga (accent, sintaxa, vocabulari a l’encòp tròp marcats per de localismes e tròp francizats) metesse de rambalh dins los pichons caps. Me pensi qu’aquò es un fals vejaire, e que caldriá far trabalhar los dròles tanben (pas solament evidentament mas tanben) amb los vièlhs qu’an pas apres l’occitan a l’escòla e los butar almens en contacte amb de materials de collectage) 3- Tanben, ai totjorn rencurat lo pauc d’integracion de Calandreta, dels regents, dels personals e, encara mai, dels parents (e donca dels dròlles) als malhums occitanistas (concèrts, manif, etc.). A Limòtges, es venguda una causa, çò me sembla, fòrça preocupanta. Los parents, que pr’aquò gestisson l’escòla (coma zo vòl l’estructura associativa), me balhan sovent l’impression de fugir lo contacte dirècte amb la lenga qu’an causit per los enfants e subretot de pas èsser vertadièrament interessats a la lenga, de la considerar quasiment, de còps que i a, coma lo prètz de pagar per los pichons effectius e la pedagogia alternativa (dita « activa »). Aquò fa que la gestion de l’escòla es en francés, en francés quasiment tota la comunicacion interna a l’escòla, (parli del nivel local, pas del nivel de la confederacion) e encara mai trucant, en francés quasiment totas las activitats associativas amb los enfants (lo lotò de l’escòla, lo "bal fòlk", etc. (e se compren, vist que la lenga de comunicacion entre parents, entre parents et regents e entre parents e enfants es e demora lo francés). Sovent tanben, pels parents, la lenga es quicòm de fòrça simpatic mas d’un pauc decoratiu. Me soveni de la reaccion d’una maire d’escolan, professoressa de latin a la facultat (un cas socialament pas especialament representatiu dels parents de Calandreta, zo cal dire), que quora li mostrèri la revirada en occitan d’una brava part de l’Odissea (la de Lafont), foguèt completament estabosida de çò qu’apelèt una « foliá » (la mesma persona trapa rasonable evidentement – e ièu tanben – de luchar per mantener l’ensenhament de la lenga de l’Odissea, que digun parla pas mai dempuèi un briu. Aquò, me sembla, ne ditz long sus, de còps que i a, un malentendut prigond entre los militants de la lenga (qualques parents e ensenhiaires) e un fùm de parents. Pauc, e sovent pas res (dins las escòlas ont soi anat), es fach per verbalizar aquel malentendut, e simplament per rapelar e esplicar la primièra frasa de la Carta qu’ai citada pus en naut. De còps que i a, me demandi se, dins lo fons, la lenga passa pas en contrabanda, darrèr lo metod actiu, lo bilingüisme que « rend lo dròlle intelligent » (foguèsse de chinès, seriá parièr, coma zo ditz un parent a Dompmartin) e un image mai que mai ludic, colorat, cantat, dançat de la lenga (e donca completament diglossic : es per aquel biais que tòrni trobar l’analisi de Sumien. Vesètz infra) 3- Non, l’escòla pòt pas èsser lo sol luòc de socialisacion de la lenga. Mas escambiar en occitan amb son dròlle es pas aisit, quora a integrada l’idea que l’occitan es precisament la lenga de l’escòla. Me pensi, mas per ièu es tròp tard, que cal parlar l’occitan fòrça lèu al dròlle, per esperar mantener dins la seguida un escambi vertadièr (vòli dire de conversacions e pas tres mots de temps en temps) dins la lenga. Lo mèu, ara al licèu, coma quasiment totis los autres que coneissi, parla pas mai. Farà benlèu un esfòrç en terminala solament per trapar qualques punts al bac.

Se comprén alara plan perque Jean-Louis Blenet, president de la Confederacion Calandreta, a pogut dire aqueste estiu a Langon (cf. aquí : Lengas de França, novèlas del front) : « A Calandreta, sèm maluroses perque sabèm que trabalham per lo re de Prussa : mandam en massa de mainatges bilingües dins un sistema que los torna rendre de nòu monolingües, perque es un sistema per far perdre las competéncias lingüisticas ». Aquò es malurosament la vertat, e mai amb las autras lengas vivas, coma l’ai pogut constatar. Mas per las autras lengas, sufís d’anar dins lo país per parlar, mas lo nòstre, de país, es totjorn mai despoblat de locutors occitans. En mai d’aquò, almens aquí, en Lemosin, i a quitament pas de possibilitat de conservar la lenga al colègi, vist que i a pas cap d’oferta de cors. Aquò explica per una part l’amnesia dels ex-calandrons; un còp surtits de l’escòla primari, sentisson pus jamai parlar non solament l’occitan, mas d’occitan, perque degun o quasi a l’entorn, e mens encara al colègi o al licèu, n’en parla, o alara solament per s’entendre dire qu’es un daquòs dels vielhs, qu'es de « patès », justament.

Mas aquel biaís de remandar la fauta sus la familha, sus l’escòla publica, sus la societat tota, pr’aquò, es pas sufisent et es aquí que las analisis de Sumien son plan utilas, e mai se podon discutir.

Sumien insistís sul fach que lo model de referéncia de Calandreta es psicolingüistic e non pas sociolingüistic. Los tèxtes parlan mai que mai d’ « immersion aboriva » e de « bilingüisme cognitiu », que son evidentament de nocions fòrça importantas elaboradas per la psicoligüistica (e Calandreta a saput s’enrodar de psicolingüistes de renom coma Jean Petit o Gilbert Dagalian) e pas gaïre (almens pas pro), de diglossia, concepte balhat per la sociolingüistica que fòrça a prendre consciéncia de la necessitat e de la dificultat de normalizar l’usatge de la lenga, a mai dins l’espaci de l’escòla, çò que, evidentament, menariá obligatòriament a se pausar un fùm de questions sus la vida de la lenga dins l’escòla e en defòra d’ela, e en primièr luòc, sus la possibilitat de mantener un bilingüisme egalitari e armonios entre l’occitan e lo francés.

Segon l’analisi de Sumien, lo fach de la diglossia dins la societat tota se miralha dins Calandreta, çò evidentament que pòt susprene vist que la causida de far de l’occitan la lenga de totis los encambis (en defòra dels corses de francés) dins l’encastre de l’escòla, deuriá crear un espaci social non diglossic (pr’aquò auriá pas de sens de parlar de diglossia « inversada », perque lo francés es pas mespresat a Calandreta, i es eficaçament ensenhat : la causida de l’occitan coma lenga de comunicacion es justificada pel fach que, precisament, en defòra, la preséncia del francés es quasiment exclusiva). Sumien balha un molon d’exemples de negligéncias e de daissar-anar lingüistics. Sabi que, en defòra d’el, d’occitanistas critican la lenga de Calandreta (veire dins la Setmana, n° 770 del mes de Juhn passat, la critica de Josiana Ubaud, que ela tanben foguèt formatritz al centre Aprene, puèi la responsa de Patrici Baccou e de Mòni Allaya, dins lo n° 773). Soi pas totjorn d’accòrdi amb aquelas criticas : per exemple los mòts « escapolaire » (per lo diplòme de debutant en occitan) e « parlesc » (parlar/legir/escriure per lo label d’ensenhament als adultes) me geinan gaire (es puslèu aquela mena d’integrisme lexical que me fa venir l’èrnha, en francés coma en occitan). Vertat que, de temps en temps, l’accent dels calandrons me fa pena e mai, pus rarament, lo de qualque regent o regenta. Sumien balha d’exemples de tèxtes de presentacion de Calandreta sus internet que son clafits de fautas. Mas aquò es tanben un autre problema, qu’es lo de la comunicacion a Calandreta (los sites internet de las escòlas e de las federacions, quand existisson, son mal fargats, paures, balhan d’informacions, de còps que i a, d’i a detz ans, etc.). La causa pr’aquò, en legissent Sumien, que me susprenguèt lo mai es lo nombre d’oras dedicadas a la formacion en lenga occitana pendent las doas annadas de formacion a Aprene : la primièra annada solament un quarantenat d’oras en tot, puèi, en segonda annada, quasiment pus res… Quaranta oras son pas grand causa, es plan segur. Vertat tanben qu’una part del personal, de còps que i a, parla pas la lenga e que fin finala, coma l’ai ja notat, s’entend subretot de francés a Calandreta en defòra de la classa e de la relacion pedagogica. Sembla donca que sus la qualitat e la preséncia de la lenga, i aja bravament de progresses de far.

Sumien formula aquels desiderata d’aquel biais (ne’n balhi son que la part que me sembla la mai significativa) :

« Pausar de prioritats claras dins l’aquisicion de las lengas. L’occitan dèu èsser l’objectiu numerò un, coma lenga legitima e tradicionala de la societat occitana e coma part inestimabla del patrimòni lingüistic mondial ».

« Rendre l’occitan audible e visible dins tots los actes parlats e escrichs de comunicacion, a mai los mas utilitaris e anodins ».

« Balhar als ensenhaires una formacion en occitan al mens tant completa coma la que recebon en francés e en matematica ».

« Se demandar se lo desinvestissament dels colegians e dels ancians escolans de Calandreta vendriá pas d’un image inconsistent de l’occitan, que seriá entretengut per las quitas Calandreta ».

« Instituar un sistema comun d’evaluacion del nivel d’occitan dins totas las escòlas de la confederacion de las Calandretas. S’adreçariá tant als escolans coma al ensenhiaires ».

Tot aquò seriá benlèu de bon far, mas me sembla que sufiriá pas. L’escòla, e benlèu val melhor aital, es pas una bòstia tampada ! Lo francés i entra forçadament perque lo francés es pertot present e la diglossia pòt pas i èsser neutralizada, subretot en abséncia d’una conciéncia lingüistica de las fòrtas dels parents (e evidentament dels regents). Me sembla que cal subretot jogar, rusar amb la diglossia, e dubrir puslèu que tampar l’escòla a la societat e a çò que i a d’occitan dedins. Es a dire que caldriá, me sembla, dubrir en primièr l’escòla, coma l’ai dich, a de monde de la region que parlan la lenga dempuèi lor enfància (m’agrada pas de parlar de « locutors naturals ») e ne’n coneissi que serián plan contents de parlar a de mainatges, aquò per far saltar l’òrra e falsa distincion entre patès e occitan, per balhar tanben al dròlle l’idea de l’evolucion presenta de la lenga e evidentament per rasonar amb aquels locutors de la question patès-occitan/francés (es a dire, sens mesma aver besonh d’utilizar lo mot, de la diglossia). Me sembla enfin que caldriá sarrar los ligams de Calandreta amb lo malhum occitanista, balhar aital mai als parents l’enveja d’apprene la lenga e monstrar als enfants que i a un avenir per elis dins la lenga.

La causa segura, coma zo ditz Sumien, es que, per començar, Calandreta auriá interes a comandar d’enquestas seriosas, sociolingüisticas e psicòlingüisticas per descriure precisament la situacion e veire del biais mai objectiu possible quals son los problemas de resòlvre.

Sabi plan tanben qu’es fòrça mai aisit de parlar que de far e, un còp de mai, tòrni dire ma reconeissença e mon admiracion per lo trabalh fach per Calandreta, testa de pont uèi per una renaissença possibla de l’occitan.

Joan-Peire Cavalièr

calandrette_g
enfants de la calandreta de Mureth (i a un desenat d'annadas)

[1] Chifras de 2009 que se trapan sus la site de la confederacion. Joan-Lois Blenet anoncia 2883 inscripcions per la dintrada de ongan Setmana, n° 783 del 23/09.

[2] « Réseau versus communauté. Enseignement et normalisation sociolinguistique », (Politique linguistique et enseignement des « Langues de Frances », Paris, L’Harmattan, p 19-34.

[3] «... je mets sur mon CV pour me présenter à un boulot que je sais parler occitan il y a pas de beaucoup de boulot/ qui vont me dire/ je même “ah super euh tu parles occitan/ ça va vachement nous aider quoi” » estrach d’intervista, art. cit., p. 28.

Posté par tavan à 22:51 - analisis - Commentaires [20] - Permalien [#]
Tags : calandreta, diglossia, diglossie, immersion, occitan, patès

Commentaires sur Lo bilanç lingüistic de Calandreta

L'i a, segur, coma un problèma.

Siáu pron d'acòrdi amb çò que dises, que crosa de constatacions qu'ai pogut far de mon costat. Coneissiáu l'enquesta de Boyer (que n'a fach un libre), e una autra enquesta, d'una estudianta nòstra aüra a Tolosa, sus l'occitan parlat dins las calandretas d'Eraut -lo dels escolans coma lo dels mestres. E me soveno d'aguer charrat amb un parent d'escolan de Montpelhier que m'explicava que çò que l'interessava a Calandreta èra lo bilinguisme, mas pas ges l'occitan. M'o explicava dins un occitan naturau pròpi correcte...
L'i a mai d'un problèma aqui dedins :
-lo rapòrt amb los locutors naturaus, justament (los Bretons de Diwan an lo meme). Ieu tanben siáu estat susprés dau biais que los enquestats de Boyer veon la lenga dels vièlhs. E m'es agut estat dich que de calandrons poian ansinda corregir lor papeta quand parlava "patois". Aqui, es un fracàs dels gròsses que risca pas de modifiar la percepcion que lo mond normau, en societat, poon aguer de l'occitan, qu'an ansinda lo drech de considerar coma una lenga estrangiera.
-Se chau pas far d'ilusions. L'ensenhament fabrica pas automaticament de locutors. Fabrica de mond qu'aurèn, a un moment o l'autre de lor vita, la possibilitat rasonaa e la competéncia de chausir de far quauque ren de l'occitan qu'an aprés. Dau meme biais que nosautres avèm chausit l'occitan, elos o chausirèn, o pas. Se chau doncas pas estonar que n'i aie au finau tant pauc que façen encuei aquela chausia (mas ren ditz pas qu'un jorn, mai vièlhs, lor occitan lor tornarè aps. Es la vita e sas suspresas). Mas aquelos que chaussisson o fan a fons (conoisso lo calandron de Besiers qu'es lo solet a aguer contunhat, e qu'encuei ne viu, de son occitan.)
-Mas es segur que l'estructura de l'ensenhament segondari ajua pas. Se los esolans tròban pas de contunhetat (e una contunhetat adaptaa a lor nivèu, pas lo tornar començar a la debuta dels rudiments)dins lo collègi o lo licèu, es cuech.
Es per aquò que me sembla qu'estrategicament l'enjuec fondamentau es l'ensenhament public (oc, presico per ma parròqui). Es aqui qu'avèm lo public potenciau lo mai larg. E es aqui qu'avèm las possibilitats de desvolopament, ni per lo pauc pòstes que nos laisson. Es pas dos collègis Calandreta als dos soms de l'espaci occitan que l'i van chambiar grand qué. Es amb lo desenvolopament de l'occitan dins lo segondari public que poirem multipliar lo nombre dels efants qu'aurèn la possibilitat d'aquesir los elements d'una eventuala chausia de l'occitan. Es aqui que se permetrè que la conquesta innegabla representaa per Calandreta sieie pas gastaa, fauta de segut.

Posté par Philippe Martel, 23 septembre 2010 à 09:31 | | Répondre
Cal escotar l'entrevista d'Ives Roqueta : http://www.eoe-oc.org/node/44
A la debuta del quite IEO del lendeman de la guèrra, lo Roqueton nos explica que la lenga de comunication qu'utilizavan entre eles los Max Roqueta, Robert Lafont e.c.a. era ... lo francés de segur ! Aquel monde qu'eran capables de parlar la lenga, que ne fasian d'òbras, qu'avian una conciénça fòrta de sa valor, que vivian dins una societat ont la lenga era encara de pertot... Entre eles se parlavan francés (amb un polit accent del miègjorn de segur !) Me demandi s'aquela esquizofrenia es especifica a l'occitanisme, o se se trapa tamben dins d'autres cases. Pel catalan, aquò me sembla completament impossible.

Posté par Laurent, 23 septembre 2010 à 09:42 | | Répondre
calandretas e Murèth

No's pòt pas demandar a las Calandretas de resólver tots los problèmas ligats a la pèrta de l'us de la lengua, ça'm sembla. Sa toca n'ei pas aquò, qu'ei l'ensenhament en occitan e punt. La rèsta qu'ei de la responsabilitat deus ex-escolans (son grans, non?) e de la societat en laquau víven.
En quant au dialècte ensenhat a la Calandreta de Murèth, as rason de soslinhar lo problèma. Totun, que's pòt explicar efectivament per la proximitat de Tolosa e qu'ei causa sabuda que se los gascons tolosans parlàvan plan gascon (un gascon de transicion dejà plan lengadocianizat), qu'escrivèvan tradicionaument en la lengua de Tolosa, en lengadocian, que non en gascon.

Posté par Joan Peiroton, 23 septembre 2010 à 13:34 | | Répondre
e oc-es!

Brave article!
Lu discors dau Blenet quel'estiu resuma, segon me, tota la problematica... Alora pense pas, segur, que quò sia la fauta daus professors de Calandreta, mas çò que podem lur reprochar, coma io dises, qu'es benleu de pas far l'esforç de liar la vita de l'escòla e lu fach qu'ensenhen en occitan avecque la civilisacion environanta, quela daus ruraus que parlen lemosin tots los jorns, per exemple (e n'i a d'engueras quauques miliers, certans viven a 10 kilometres d'a Limòtges!), veiqui 'n'afar espauridant, de veire que daus jòunes qu'an passat cinc'annadas dins-t-un'escòla a parlar occitan pensen que parlen pas la mesma linga que los vielhs dins la campanha daus alentorns... Veiqui que balhara un bon argument aus anti-occitanistes ! A qui la fauta? N'am dich que los professors d'oc deurian mai deibrir los jòunes a la cultura locala... Mas pense que la responsabilitat majora torna aus parents de Calandrons, que son nombros a se ne'n fotre de la linga ! Que son nombros a estre daus citadins dur que fer (i'a mesma daus bòbòs) que foten pas jamai los pes a la campanha (perque podem dire çò que volem, los derniers locutors son daus ruraus...) e permeten pas a lur enfant de constatar qu'eu pòu comunicar com'un vielh paisan, en patoccitan! 'Laidonc ni a l'escòla nimai a maison, los goiats comprenen d'ente ven lur linga, e poden creire qu'en defòra de l'escòla qu'es 'na linga completament crebada... (çò qu'es pas d'engueras tot a fach lu cas)

Per alhors a perpaus de l'enquesta sus niveu de linga daus professors de Calandreta, crese que l'iniciativa siria pas reçauguda ambe plaser per quilhs professors, pense mesma qu'eu lucharian contra ! Sabem que los professors, en generau, de Calandreta e d'alhors, que passen lur vita a balhar d'eivis sus los autres, a donar de nòtas, a evaluar, eca, son monde qu'aima pas gaire estre evaluat se-mesme...

Posté par bouboule, 24 septembre 2010 à 10:56 | | Répondre
La lenga de las Calandretas

Me permete de vos balhar un liam devers un trabalh d'estudi d'una doctoranta de Tolosa sus l'occitan de las Calandretas :
http://www.msh-m.fr/article.php3?id_article=657

Posté par Degun, 24 septembre 2010 à 12:58 | | Répondre
Causir l'occitan

Vista la manca de transmission familiala, l’absencia de presencia dins los media e lo trabalh, de parlar occitan aquò’s una causida tant malaisida, alassanta e esterila, qu’es benlèu pas un present de faire per son dròle, subretot se los quites parents o fan pas per se !

Vista la situacion de la lenga dins la societat d’uèi, la causida de l’occitan pòt pas èstre que volontaria. Siai fòrça fòrça d’acòrdi amb Martel a prepaus de la necessitat de desvelopar l’ensenhament dins lo segondari public. Parlar occitan dins una situacion coma la que vivèm, es pas pus una question de fidelitat a sos reires mas puslèu una pròva de revòlta. Donc es plan al licèu que se troban los locutors novels (es estat lo mèu cas).

Posté par Laurenç, 25 septembre 2010 à 23:43 | | Répondre
Present / Quicòm que truca

Es un present, òc, un present, e aquò es ja quicòm d'enorme, a mai se la majoritat dels parents parlan pas la lenga e l'aprenon pas ...
Es evident tanben que, per fargar de locutors, començar al licèu es tròp tard. Cal continuar a luchar per l'aprentissatge aboriu, lo sol que fa de monde capable de parlar... Perque lo bilanç de calandreta per çò qu’es de la capacitat "actuala" (pendent las annadas d'escòlas) dels enfants a parlar es fòrça bona. Se pòt dire la meteissa causa del bilingüe public ? I a d'estudis comparatius sul sicut ? aquò m'interessariá de zo saber...
Mas, amb aquel pòst, ai subretot l'impression de parlar dins lo desert : digus de Calandreta es pas intervengut... sus cent legeires n'i a sonque 5 ò 6 que fican lo naz dedins. Es que publicar un article en occitan sus un problema ligat a la lenga occitana, aquò vòl dire se condemnar a pas èsser legit e discutit ? Es a dire que per entamenar una discussion amb lo monde de Calandreta (que ne fau part, zo torni dire) cal zo far en francés ? I a aquí, evidentament, quicòm que truca...

Posté par tavan, 09 octobre 2010 à 22:42 | | Répondre
Occitan langue du berceau ou langue étrangère ?

Bonjour, je ne suis pas occitan de souche mais je vis en Occitanie. A ce titre, je m'y intéresse. Première remarque : il n'est pas très dur de lire un article en occitan dans la mesure où l'on possède un dictionnaire à portée de main. Est-ce parce que les occitans sont des francophones qui traduisent leur pensée tout en restant fidèles à leur langue maternelle (le français) ?
Deuxième remarque : Vous écrivez "Pr’aquò an generalament daissat tombar la pratica de la lenga, quora an quitada l’escòla." J'en reviens à ma première remarque : est-ce que la raison de cet abandon n'est pas tout simplement que l'occitan restera toujours une langue étrangère pour les jeunes occitans du XXIe siècle ?

Posté par Ra, 23 octobre 2010 à 14:30 | | Répondre
Avenir de l'occitan

@ Ra
Merci pour vos questions, qui sont bien intéressantes.
1- L'occitan n'a jamais été difficile pour les francophones. Déjà au XVIe et au XVIIe siècle, on trouve des poètes comme Auger Gaillard ou comme Godolin qui sont lus et appréciés par des non occitanophones, alors qu'ils ne sont pas traduits. Il est vrai aussi que les deux langues se sont cotoyés longtemps et qu'à travers ce contact prolongé et la situation de diglossie (relation langue dominante/langue dominée) l'occitan c'est pas mal francisé (le français a aussi bénéficié de nombreux apports occitans, meêm si la plupart des dictionnaires ne le reconnaissent pas, préférant renvoyer à l'espagnol ou à l'italien). Maintenant,pour répondre à votre question, un article de débat, comme celui-ci est-il pensé en français ? Je n'ai pas l'impression : je dirai qu'il est pensé dans un occitan qui est étroitement en contact avec le français. Mais pour ce qui est de l'accessibilité presque immédiate je pense d'que vous pourriez faire la même expérience avec l'italien ou l'espagnol castillan, même écrit par des non francophones, dès lors qu'il s'agit d'exposés de ce type (et non de littérature).
2- Une langue que l'on parle avec de bonnes compétences, surtout depuis l'enfance, n'est pas une langue étrangère, ou cesse de l'être, même si je ne suis pas un as en italien, et que je l'ai appris qu'à l'âge adulte, il y a longtemps que je n'ai plus d'impression d'étrangeté dans cette langue. Il faut se méfier de la notion de "langue étrangère" qui est relative à celle de "langue nationale". je ne crois pas du tout (mais je peux me tromper) que les calandrons et ex-calandrons se représentent l'occitan comme une langue étrangère. S'ils ne la parlent pas en dehors de l'école, ou plus, après avoir intégré l'école publique c'est qu'elle est étrangère à l'univers social dans lequel ils vivent (ce qui est tout à fait différent). Le pari que nous faisons, et que nous sommes peut-être voués à perdre (l'avenir le dira) c'est qu'il reste une possibilité de maintenir vive une pratique sociale de la langue malgré son extrême minoration, c'est pourquoi il me semble urgent de créer, au-delà de l'école (et en-deça de l'école, si je puis dire, avec la transmission familiale) des espaces transgénérationnels de socialisation de la langue. C'est notre seul espoir.

Posté par tavan, 23 octobre 2010 à 15:55 | | Répondre
Espaces ?

Oui, mais ces "espaces transgénérationnels de socialisation de la langue" n'existent pas ou alors je ne vois pas ce que vous voulez dire.

Posté par Ra, 24 octobre 2010 à 12:56 | | Répondre
occasions plus qu'espaces

Ces espaces sont rares, mais ils existent. Dans les manifs pour la langue, à Rodez lors de l'Estivada, toutes les générations se rencontrent et se parlent spontanément (souvent et plus ou moins bien) en oc, dans certaines activités de l'Institut d'Etudes Occitanes aussi... mais notons que c'est dans l'ensemble de la société que les générations, finalement se rencontrent assez peu. Cependant, il faut avoir le courage de le dire : en dehors des plus anciens et des professionnels ou militants de la langue, l'occitan n'est quasiment plus employé ni au travail, ni dans les loisirs, ni au marché, ni à l'église, ni (et c'est le point premier et rédibitoire) en famille. Il y a des exceptions bien sûr, mais c'est ainsi, la langue survit largement grâce aux écoles (et aussi grâce à la culture livresque et musicale), même si le pourcentage des enfants qui fréquentent des écoles où l'occitan est utilisé est infime. Nous sommes peut-être, sans-doute, en coma dépassé, mais tant que nous parlons la langue et parvenons à la transmettre, même mal, on ne peut pas dire, sans nous faire la pire des injures, qu'elle est morte. De même, malgré notre extrême misère, notre pratique n'est pas celle d'un microcosme refermé sur lui-même : toutes les initiatives (calandreta, ieo, estivada, etc.) sont largement ouvertes à tous. Avec ces bribes et ces bouts de transmission imparfaite la "lenga es encara viva", mais dire que la situation est critique est en effet parler par euphémisme.

Posté par tavan, 24 octobre 2010 à 23:32 | | Répondre
Langue "journalistique"

Ce que dit Tavan me ramène à ce qu'il me semble avoir constaté depuis longtemps, à savoir que les langues journalistiques du domaine roman tendent à se ressembler fortement. J'ai l'impression qu'un francophone peut comprendre sans trop de difficulté un journal en italien, en castillan ou en catalan.
On peut essayer d'écrire un article, ou une dissertation, un commentaire... qqc de réflexif en somme, de manière plus idiomatique en occitan mais finalement, même si c'est faisable dans une certaine mesure, constatant une forme de convergence des idiomes romans dans ce domaine, pourquoi refuser à l'occitan cette langue moyenne même si on s'éloigne du patois de mémé ?

Posté par Degun, 25 octobre 2010 à 00:16 | | Répondre
langue moyenne ?

Quand vous ditez "langue moyenne" cela signifie que pour vous l'occitan est une langue qui se situe entre le français et l'espagnol ? La prononciation peut faire penser à cette deuxième langue.

Si les "espaces transgénérationnels de socialisation de la langue" deviennent des "occasions" alors le plus dur est à venir...

Merci à J.-P. Cavaillé pour ses explications pédagogiques.

Posté par Ra, 25 octobre 2010 à 23:04 | | Répondre
langue moyenne

Ce n'est pas ce que j'entendais par langue moyenne. "langue moyenne" désigne une variété qui peut servir de "standard" à une certaine échelle ou dans un registre particulier, en l'occurrence les articles de journaux. Les langues moyennes journalistiques utilisées en espagnol, italien et français ont à mon avis tendance à se ressembler. Il est par conséquent compréhensible que la langue moyenne journalistique occitane ressemble à ses cousines.
On pourrait sans doute faire plus idiomatique pour se démarquer mais il n'y pas grand chose à reprocher à l'occitan journalistique, bref, si ça ressemble au français journalistique, ça ressemble aussi à l'espagnol ou au catalan journalistiques.

Cela dit, l'occitan est en effet également au carrefour de la romanité, même si l'occitan appartient bien au roman de l'ouest (roman en "s" donc).

Posté par Degun, 26 octobre 2010 à 00:19 | | Répondre
D'accord avec degun : le registre journalistique -si on laisse de côté le registre particulier de s "plumes", les éditorialistes les plus talentueux, ce registre journalistique est assez uniforme d'une langue à l'autre, et n'a pas la prétention d'être aussi personnel, riche en vocabulaire et fouillé que l'écriture littéraire par ex. Si Ra essaye de lire du Lafont ou du Rouquette-je ne parle même pas du Manciet qui vient de sortir chez Poésie Gallimard, il verra si l'occitan est vraiment du français avec des -a à la fin.
-Ceci dit, il est vrai que même dans le cadre de cet occitan de la communication large, il y a des progrès faire. Ce que nous expliquons à nos étudiants, c'est que,plus que le lexique dans sa "pureté" (chasse aux gallicismes etc.) ce qui compte c'est la syntaxe. Il est vrai que dans le domaine de la prose, moins valorisée dans l'histoire de la renaissance d'oc que la poésie, la tendance a été longtemps le calque du français : il a fallu attendre d'Arbaud pour voir un vrai travail sur la phrase occitane en prose. Ca repose sur l'attention portée à la place des mots dans la phrase plus souple qu'en français, et porteuse de sens à sa façon, ça repose sur le bon usage des prépositions, adverbes, etc (ne pas écrire, siau en trin de, siau suu ponch de, quauqu'un d'autre... mais siau a, siau per (ou a mand de), quauqu'un mai), sur le bon usage de la concordance des temps, etc. C'est possible même en registre journalistique, mais c'est vrai que ça demande un effort.

Posté par Philippe Martel, 26 octobre 2010 à 10:34 | | Répondre
D'accord. Je comprends.
Mais si la langue se parle de moins en moins, comment peut-on échapper au nivelage de l'occitan sur le modèle français ? Y a-t-il des livres "tout public" qui apprennent à chasser les "francismes" ?

Posté par Ra, 31 octobre 2010 à 14:51 | | Répondre
Par exemple, pourquoi J.-P. Cavaillé a écrit "Lo bilanç lingüistic de Calandreta" et non "Lo bilanç lingüistic de la Calandreta" comme en français on écrit "le bilan linguistique [de la] ou [des] Calendrette[s]" ?

Posté par Ra, 31 octobre 2010 à 14:54 | | Répondre
Francismes

"bilanç lingüistic de Calandreta" : faut pas chercher midi à 14 h ! Ici la syntaxe est la même qu'en français et dans les autres langues romanes. Calandreta est ici l'institution en général (Calandreta) et pas "la" ou "les" écoles de ce noms... Et si l'on veut vraiment franciser "calandreta" (ce que beaucoup font), il faut au moins conserver les deux "a" : "Calandrette".

Quant à l'autre question , pour éviter le nivelage avec le français, on peut s'appuyer largement sur la littérature didactique disponible et sur les grammaires évidemment... sur la parole de ses maîtres évidemment aussi... Mais il me semble que le tropisme francophone le plus important, aujourd'hui, dans l'occitan parlé, est celui de l'accent.

Posté par tavan, 31 octobre 2010 à 21:47 | | Répondre
I a pas quicòm que truca ?

La gròssa engana dins la "critica de Calendretas" es que, coma totjorn e particularament amb leis ensenhaires(coma ditz "Bouboule" çai-sus) i a impossibilitat totala de parlar d'evaluacion de l'ensenhament linguistic donat, sens se faire taxar d'enemics ferotges de Calandreta. Mon article "orrors lexicalas" present sus mon site, descadenèt la furor d'unei. Pasmens, coneissi lo mitan tant ben coma Domergue Sumien : i foguèri dètz ans formatritz, e contunhi d'animar de sortidas botanicas per d'unei Calandretas. Coma enemiga, i a pièger... E maugrat çò que pensa JP Cavaillé, sonar un diplòma "escapolaire" (donam un equivalent francés, "bricoleur") es pas una pròba de respècte ni de volontat de valorizacion de la lenga !! E encara mens de creativitat ! E s'insurgir còntra aquò e còntra totei leis invencions galejairas,fantasierosas, risolièras, per defugir a tota fòrça lo nivèu distanciat, es tot...levat d'integrisme ! Es de simple bòn sens e lo respècte de la lenga qu'òm parla e dei diplòmas desliurats.
Lo projècte Calandreta es un polit projècte (que complèta lo de l'ensenhament public), e s'apren pas a Calandreta se i a pas de "locutors naturaus" a bodre per posquer mostrar ais enfants la lenga en fòra de l'escòla. S'apren pas a Calandreta se lei Calandrons laissan tombar la lenga. Mai, mai, se çò dich çai sus es exacte, s'apren ai regents de Calendreta d'aver gausat mespresar "lei parlaires de patés" en oposicion a "l'occitan meravelhós ensenhat" au ponch que d'enfants pòscan sortir aquela analisi en enquèsta ! Lo mite de la puretat de lenga dei darriers locutors naturaus es una autra causa, ne'n rescontri a profusion per mon mestier d'etnobotanista. Mai, mai, s'apren a la marrida formacion linguistica donada ai regents (e ais adultes dau CFPO), e au quite nivèu d'unei formators qu'afortisson d'asenadas linguisticas gròssas. S'apren a la focalizacion sus la "cognitivitat", donc la teoria de l'ensenhament, e non la focalizacion sus la lenga ! Lei regents transmeton donc una marrida lenga, e se d'unei se remeton pas en causa per quant a sa competéncia linguistica...la ròda vira dins lo marrit sens. La flaquesa e l'inchaiença rapòrt a la lenga, lo drech d'inventar cadun son lexic descabestrat sens concertacion e au nom de la distanciacion maximala amb lo francés, quitament dins leis institucions, lo sorditge ai remarcas fachas per de gens de mestier considerats coma d'emmerdaires integristas e liberticidas, au còntra lei remarcas que d'incompetents complèts e plen d'arrogantitge gausan vos faire, etc., m'an fach fugir d'Aprene...coma Sumien. Far fugir de militants investits dins l'ensenhament de la lenga, lèsts a faire de quilomètres (e sotapagats),i a pas quicòm que truca ?? O es totjorn e de lònga "la fauta ai que gausan criticar" e jamai a l'institucion Calandreta ??
Apondrai, ailàs, que lo nivèu es pas melhor dins l'ensenhament public : lo site de l'AELOC en Provença ten un quarantenat de fautas per cada ecran donat a legir... I a pas quicòm que truca dins l'ensenhament de l'occitan ? dins la produccion de diccionaris totei mai clafits de fautas leis uns coma leis autrei ? dins leis emissions de ràdio, que la lenga i es martirizada a non plus ??
(parli pas de decas que fasèm totei). I a pas quicòm que truca dins l'occitanisme en generau, que refusa d'analisar la qualitat de sei produccions ?? I a pas quicòm que truca dins l'impermeabilitat entre lei divèrs actors cadun erigit en capèlas e de còps enemics ? Per ieu, i a longtemps que tot truca dins lo foncionament de l'occitanisme.
Josiana Ubaud
lexicografa, e pas brica integrista

Posté par Ubaud josiana, 10 juin 2011 à 22:31 | | Répondre
Bilinguisme

Voici notre expérience personnelle du bilinguisme. Mon épouse est néerlandaise et s'adresse toujours en néerlandais à notre fils. Nous mesurons combien le maintien et le développement de la langue minoritaire demande une attention soutenue de chaque jour. Et me demande aussi de laisser une place à côté du français.

Notre fils (cinq ans et demi) a depuis toujours un petit retard en néerlandais (comparé à son niveau en français). Les livres sont un facteur aidant au développement de son néerlandais, Mon épouse lui lit beaucoup d'histoires, et nous en avons rapporté une cinquantaine de kilos de notre dernier séjour estival aux Pays-Bas. Nous avons aussi un tas de DVD en néerlandais. De plus notre fils regarde des émissions télévisées pour enfants sur internet. Le manque de livres, de revues, de DVD et d'émissions pour enfants est sûrement un problème crucial pour l'occitan.

Il y a par ailleurs un facteur affectif qui me semble être extrêmement important. Le lien affectif donne un statut particulier à la langue d'autant plus important qu'elle est minoritaire. Notre fils a une relation très forte avec sa grand-mère. Elle ne parle pas français, lui téléphone souvent, vient passer une semaine de temps à autre dans notre ville. On note la progression de son néerlandais après une semaine en compagnie de sa oma qui n'est pas loin d'être le dieu sur terre.

Le néerlandais était pour notre fils la langue de sa maman et de sa grand-mère. Exclusivement. Jusqu'à l'âge de quatre ans il s'adressait en français aux petits néerlandais avec qui il jouait... "Mais, maman, ils ne peuvent pas comprendre"... Il a maintenant aussi une relation forte avec une cousine âgée de dix ans, ce qui élargit le cercle de ses interlocuteurs néerlandophones privilégiés.

Je ressens chez notre fils ce manque d'une relation privilégiée avec un locuteur occitan pour conforter l'oc qu'il pratique seulement à la calandreta depuis la très petite section. J'essaie de lui faire écouter les enregistrements d'histoires en oc. Je tourne les pages du livre tandis que nous écoutons le disque. Il ressent l'aspect artificiel de cette "lecture". Il préfère de loin que je lui lise moi-même des histoires, ce que je fais en français mais ne puis hélas ! faire en oc.

Posté par Hub, 17 septembre 2011 à 17:30 | | Répondre

Nouveau commentaire